Мы ўпэўнены, што балоты Беларусі цудоўныя і вартыя вашай увагі ў любую пору года, аднак "залатым" сезонам для наведвання балот лічацца вясна і восень. У гэтыя поры года на балоце не спякотна, узровень вады аптымальны, а прырода лашчыць вока асаблівай яркасцю красак. Таксама менавіта вясной і восенню найбольш верагодны сустрэчы з дзікімі жывёламі.

Асабліва адзначым, што канец восені — выдатны час для балотных вандровак. Рознакаляровыя імхі ўсыпаны журавінамі, на балотах можна назіраць мноства гусей і іншых птушак. Надвор'е даволі прыемнае для балотных шпацыраў. Не бывае дрэннага надвор'я, бывае дрэнная падрыхтоўка:) Каб не трапіць у такую гісторыю, напярэдадні туру вы атрымаеце падрабязную інструкцыю па падрыхтоўцы, у якой мы распавядзём, як апранацца і што ўзяць з сабой, каб добра і ўпэўнена адчуваць сябе на балоце пры любым надвор'і.

Наведванне балотных маршрутаў, якія выкарыстоўваюцца ў нашых вандроўках цалкам бяспечна. Асабліва, калі вы наведваеце балота разам з спрактыкаваным гідам і трымаецеся некаторых простых правіл. У кожным балотным падарожжы мы праводзім дэталёвы інструктаж па правілам бяспекі. На працягу ўсяго шпацыру вы будзеце знаходзіцца пад чуйным кіраўніцтвам гіда, які падкажа і падтрымае ў складанай сітуацыі. Акрамя таго ў турах мы заўжды карыстаемся загадзя пракладзенымі маршрутамі.

Вы будзеце прыемна здзіўлены, але на верхавых балотах (менавіта іх мы наведваем у большасці нашых вандровак) зусім няма камароў. Камары і іншыя дакучлівыя насякомыя могуць сустрэцца хіба што ў лесе па дарозе на балота. У такіх выпадках вы заўжды можаце папрасіць рэпелент у гіда.

У пераважнай большасці выпадкаў вандроўкі не касуюцца і не пераносяцца ў сувязі з умовамі надвор'я. У выпадку, калі вы хочаце перанесці сваё браніраванне на іншую дату, будуць дзейнічаць умовы адмены браніравання, адлюстраваныя ў дамове.

Часам надвор'е можа быць непрадказальным, аднак мы зыходзім з таго, што атрымоўваць асалоду ад прыроды можна пры любых умовах:) Напярэдадні вандроўкі вы атрымаеце падрабязныя парады па падрыхтоўцы, каб адчуваць сябе камфортна пры любым надвор'і, нават у праліўны дождж. Мы з свайго боку таксама прыкладзём усе намаганні, каб ваша вандроўка прайшла камфортна.

Варта адзначыць, што нашым галоўным прыярытэтам з'яўляецца бяспека ўдзельнікаў. Калі надвор'е робіць вандроўку небяспечнай, мы касуем ці пераносім падарожжа. З улікам пераменлівасці прагнозаў, такія рашэнні звычайна прымаюцца напярэдадні тура ці ў дзень вандроўкі. Калі некаторыя паслугі ў рамках вандроўкі не будуць зроблены, мы прапануем частковае вяртанне сродкаў ці ўрэгулюем сітуацыю іншым спосабам.

Вы можаце скасаваць браніраванне за 7 і больш дзён да вандроўкі без якіхсьці выдаткаў. Мы зробім вяртанне ўсіх сродкаў (за выключэннем камісій банкаў, калі яны былі) ці перанясём ваша браніраванне на іншую дату.

Пры адмове ад браніравання ў тэрмін ад 6 да 3 дзён да вандроўкі, па любой прычыне (нават умоўна ўважлівай) перадаплата не вяртаецца. Яна складае 80 рублёў для вандровак на 1 дзень і 200 рублёў для вандровак на 2 дні.

Пры адмове ад вандроўкі за 1-2 дні да тура ці ў выпадку не ўдзелу ў падарожжы без папярэджання вяртанне сродкаў не адбываецца.

Асобна звяртаем вашу ўвагу, што дажджлівы прагноз надвор'я на дзень вандроўкі ці хвароба ўдзельніка не з'яўляюцца падставамі для вяртання сродкаў ці пераносу браніравання на іншую дату. Мы са свайго боку забяспечваем арганізацыю вандровак, уносім перадаплаты нашым падрадчыкам у большасці выпадкаў без магчымасці вяртання. Дзякуй за разуменне!

Мы заўжды радыя, калі да нашых вандровак далучаюцца маленькія падарожнікі! Аднак важна ўлічваць магчымасці дзіцяці і суадносіць іх з складанасцю маршрута. Гэты тур мы рэкамендуем для дарослых і падлеткаў старэйшых за 14 год, аднак мы разумеем, што кожны чалавек асаблівы, таму калі вам падаецца, што ваш дзіцёнак больш малодшага ўзросту здольны пераадолець маршрут, вы можаце параіцца з намі, патэлефанаваўшы па тэлефоне, пазначаным на сайце.

На жаль, прыняць удзел у нашых вандроўках з хатнімі жывёламі нельга. У аснове шматлікіх нашых вандровак ляжыць цеснае ўзаемадзеянне са светам дзікай прыроды, чаму можа перашкодзіць прысутнасць гадаванцаў (ці наадварот - дзікая прырода можа нашкодзіць самім хатнім жывёлам).

Таксама мы не можам быць упэўненымі ў адсутнасці алергіі і іншых абмежаванняў у іншых удзельнікаў падарожжа. Мы будзем рады, калі вы далучыцеся да падарожжаў, пакінуўшы сваіх улюбёнцаў пад прыглядам родных і блізкіх.

Вандроўкі — выдатная магчымасць пазнаёміцца з аднадумцамі і знайсці новых сяброў. Шматлікія нашы падарожнікі прыязджаюць адны і хутка знаходзяць агульныя тэмы з іншымі ўдзельнікамі. Мы ствараем сяброўскую атмасферу, дзе кожны адчувае сябе камфортна, праводзім гульні на знаёмства, каб лепш спазнаць адзін аднаго. Супольныя прыгоды і новыя ўражанні - цудоўны спосаб зблізіцца з людзьмі, якія падзяляюць вашы інтарэсы.

Калі ж вы наадварот не маеце жадання ні з кім стасавацца вы заўжды знойдзеце магчымасць звезці камунікацыю з іншымі ўдзельнікамі да мінімуму і атрымоўваць асалоду ад падарожжа ў спакойнай атмасферы.

На жаль, у гэтым падарожжы мы не маем магчымасці падрыхтаваць для вас паўнавартасны абед. Таму мы просім вас браць уласныя сытныя ссабойкі. Мы ў сваю чаргу падрыхтуем для вас гарбату і выпечку напрыканцы балотнага шпацыру.